કલર બ્લાઈન્ડ લોકો માટે વડોદરાના વિદ્યાર્થીના પ્રોજેક્ટને ગૂગલ મદદ કરશે

વડોદરાના સર્જક ઠક્કરે વિશ્વસ્તરીય ગુગલ સમર કોડ સ્પર્ધામાં કલર બ્લાઇન્ડસ એટલે કે રંગ અંધતાથી પીડિત લોકો માટે રંગ વૈવિધ્યની પરખ સરળ અને સુગમ બનાવતી ઇમેજ પ્રોસેસીંગ લાયબ્રેરી કરવાનો મુકેલો વિચાર ગૂગલે સ્વીકાર્યો છે, આ વિચારને એક વાયેબલ પ્રોજેક્ટના રૃપમાં સાકાર કરવા ગુગલે સર્જકને ત્રણ મહિનાની મુદત આપી ૨૫૦૦ ડોલર અંદાજે રૃા.૧.૭૫ લાખ) નો રિવોર્ડ આપ્યો છે.
રંગઅંધતાથી પીડિતો માટે રંગ વૈવિદ્યની સરળ પરખ અંગે પ્રોસેસિંગ લાયબ્રેરીનો વિદ્યાર્થીનો વિચાર ગુગલે સ્વીકાર્યો
ગુગલ દ્વારા સમર કોડ સ્પર્ધાનું વૈશ્વિક સ્તરે નિયમિત આયોજન થાય છે. હાલમાં સર્જક ધી પ્રોસેસીંગ ફાઉન્ડેશનના છત્ર હેઠળ પોતાના વિચારને પ્રોજેક્ટમાં સાકાર કરવા પ્રયત્નશીલ છે જેના માટે તેને ૩૦મી ઓગસ્ટ, ૧૭ સુધીની મર્યાદા છે. એડવોકેટ માતા પારૃલ દેસાઇ ઠક્કરનો પુત્ર સર્જક હાલ તામિલનાડુમાં વેલ્લોર ઇન્સ્ટીટયુટ ઓફ ટેકનોલોજીમાં ભણે છે. કોમ્પ્યુટર એન્જીનિયરીંગના શિક્ષણમાં એક વિષય તરીકે ભણાવાતા ઇમેજ પ્રોસેસીંગનો ઉપયોગ કલર બ્લાઇન્ડસને રંગોની ઓળખ આપવા માટે થઇ શકે કે કેમ તેવી જિજ્ઞાાસામાંથી આ વિચારબીજ રોપાયું છે.
પ્રોસેસીંગ લાયબ્રેરીના માધ્યમથી ઇમેજીસ (આકૃતિ) ઓનું પ્રોસેસીંગ અને રંગોની વિવિધતાની તારવણી કલર બ્લાઇન્ડસ માટે સરળ બનાવવાનો વિચાર હોવાનું સર્જકે જણાવ્યું હતું. આંખની ખામીને લીધે આવા લોકો આકૃતિમાં (ઇમેજ) કેટલાક રંગો પારખી શકતા નથી. વિવિધ પ્રકારના અલગોરીધમ્સની મદદથી આકૃતિના કલર સુધારીને રંગ વિવિધતાની પરખ સરળ બનાવવાનો તેનો આઇડીયા છે.

ભાગ્યમા કેટલુ ધન છે.?

એક માણસે નારદ મુની ને પુછયુ મારા ભાગ્યમા કેટલુ ધન છે.?
:
નારાદમુની એ કહ્યું- ભગવાન વિષ્ણુને પૂછીને આવતી કાલે કહીશ...,

:
બીજા દીવસે નારાદમુની એ કહ્યુ.
૧ રૂપિયો રોજ તારા ભાગ્યમાં છે..

:
માણસ બહુ ખુશ રહેવા લાગ્યો.... એની જે પણ જરૂરતો તે એક રૂપિયામાં પુરી થઈ જાતી હતી...

:
એક દીવસ એના એક મિત્રએ કહ્યુ...., હુ તારા સાદગી ભર્યું જીવન જીવવાનુ અને તેમાં પણ તને ખુશ જોઈને  હુ ઘણો પ્રભાવીત થયો છુ....માટે હુ મારી બહેન ના લગ્ન તારી સાથે કરવા માંગુ છુ...,

:
તે માણસે કહ્યુ મારી કમાઈ રોજનો ૧ રૂપિયો છે...એ તને ખબર છે..તો પણ....
આ એક જ રૂપિયામાં તારી બહેનને ગુજરાન કરવુ પડશે...

:
મિત્રએ કહ્યુ કોઈ વાંધો નહી... મને આ સંબંધ મંજુર છે...

:અને તેણે સગાઈ કરી નાખી....,
આગલા દિવસથી એ માણસની કમાઈ ૧૧ રૂપિયા થઈ ગઈ...

:
એ માણસે નારાદમુની ને બોલાવ્યા અને પુછયુ ...,હે મુનિવર મારા ભાગ્યમા તો ૧ રૂપિયો લખ્યો હતો તો પછી ૧૧ રૂપિયા મને કેમ મળી રહ્યા છે.???

:
નારાદમુની એ કહ્યુ:- તારો કોઈની સાથે સબંધ કે સગાઇ થઈ છે...????

:
હા સગાઈ થઈ છે..???
:
તો આ વધારાના ૧૦ રૂપિયા તારી હોનાર પત્ની ના ભાગ્યના તને મળી રહ્યા છે...

હવે આને જોડવા-(બચાવવા) લાગ આગળ તને તારા લગ્નમાં કામ લાગશે..

:
એક દીવસ એની પત્ની ગર્ભવતી થઈ અને એની કમાઈ એ દીવસે થી ૩૧ રૂપિયા થવા લાગી...

:
ફરી થી એણે નારાદમુની ને બોલાવ્યા અને કહ્યુ હે મુનિવર મારા અને મારી પત્નીના ભાગ્યમાં ૧૧ રૂપિયા મળી રહયા હતા તો હવે ૩૧ રૂપિયા કેમ મળવા લાગ્યા..???

કેમ હુ કાઈ કોઈ અપરાધ કરી રહ્યો છુ...????

:
મુનિવરે કહ્યુ :- આ ૨૦ રૂપિયા તને તારા બાળક ના ભાગ્ય ના મળી રહ્યાં છે..

:
દરેક મનુષ્યને એના પ્રારબ્ધ ( ભાગ્ય)લખેલું હોય છે..કે.....,
કોના ભાગ્યથી ઘરમાં ધન-દૌલત આવે છે.... એ અમને કે કોઈને ખબર નથી હોતી..

:
પણ આ દુનિયામાં
મનુષ્ય અહંકાર કરતો હોય છે....કે મે આ બનાવ્યું, મે આ કર્યું,
મે કમાવ્યું, આ મારૂ છે, હુ કમાઈ રહયો છૂ,
મારા લીધેજ આ બધુ થઈ રહ્યુ છે...વગેરે...વગેરે..!!!
:
પરંતુ હે પ્રાણી (મનુષ્ય)
તને નથી ખબર કે તુ કોના ભાગ્યનુ ખાય રહ્યો અને કમાઈ રહ્યો છે ...

બાળમેળો

બાળમેળો એ ભાગ લેનાર બાળકો માટેની આનંદયાત્રા છે. તથા તેના સર્વાંગી વિકાસ માટેનો અવસર છે. એનાથી બાળકના મનમાં વિકાસ માટેની અલગ-અલગ દિશા ખૂલે છે. જે તેના ભવિષ્ય માટે તેના મનમાં કશાકનું આપણ કરી જાય છે. આ બીજારોપણ ભવિષ્યમાં વૃક્ષ બની પાંગરે છે. બાળમેળા એ તો બાળકોને અભિવયકિત થવાનો કાર્યક્રમ છે. બાળકોમાં પડેલી સુષુપ્ત શકિતઓને જાગૃત કરવાનો કાર્યક્રમ છે. બાળકોમાં આત્મશ્રધ્ધા અને આત્મવિશ્વાસ પ્રેરવાથી કાર્યશીલતા સંતોષાય છે. સામૂહિક ભાવના વિકસે છે. વિચાર શકિત વિકસે છે. તેમનામાં મૂલ્યોનું ધડતર થાય છે અને અત્મવિશ્વાસ વધે છે. આ પ્રકારના બાળમેળા જીસીઇઆરટી દ્વારા ગુજરાત રાજયની તમામ સરકારી પ્રાથમિક શાળામાં યોજાય છે. પરિણામે નાંમાકન, સ્થાયી કરણ અને ગુણવત્તા સુધારણા વધવા પામી છે.

બાળમેળાનો હેતુ:

બાળકોની ક્રિયાશીલતાને પોષાય

બાળકોની જિજ્ઞાશા જાગૃત થાય

બાળકોની સામૂહિક ભાવના વિકસે

બાળકોની સર્જનવૃત્તિ સંતોષાય

બાળકોની વિચારશકિત વિકસે

બાળકો અંતઃતૃપ્તિ અનુભવે

બાળકોનો આત્મવિશ્વાસ વધે

બાળકોને અભિવ્યકત થવાની તક મળે

વ્યવસ્થા, શિસ્ત, સમયપાલન, ચોકસાઇ, સ્વચ્છતા જેવા ગુણો વિકસે

બાળમેળાની પ્રવૃત્તિ:

ગીત - સંગીત – અભિનય, બાલરમત, બાલવાર્તા, બાલનાટક, માટીકામ, છાપકામ, ચિત્રકામ, રંગપૂરણી,ગડીકામ, કાતરકામ, ચીટકકામ, વિજ્ઞાનના સાદા પ્રયોગો, જાદુનગરી, ભાષા-ગણિત શિક્ષણ

બાળમેળાનું આયોજન:

ઉપર દર્શાવેલ પ્રવૃત્તિઓ મુજબ એક તજજ્ઞ પસંદ કરવા.

પ્રવૃત્તિદિઠ અલગ અલગ વર્ગખંડ રાખવા.

બાળકોની સંખ્યા પ્રમાણેના ગ્રુપ પાડવા.

દરેક પ્રવૃત્તિના સ્ટોલ/વર્ગખંડમાં બાળકોના ગ્રુપને મોકલવા.

ત્રીસ મીનીટ બાદ બેલ વાગે એટલે બાળકોનું ગ્રુપ એક પ્રવૃત્તિના વર્ગખંડમાંથી નીકળી બીજા પ્રવૃત્તિના વર્ગખંડમાં જાય. આવી રીતે દર ત્રીસ મીનીટે બાળકોના ગ્રુપ બદલવા.

બાળમેળામાં જાડાયેલ બાળકો માટે નાસ્તો અને પાણીની વ્યવસ્થા કરવી.

બાળમેળાથી થતા ફાયદા:

ગીત-સંગીત દ્વારા બાળકો તાલબધ્ધ રીતે ગાતા શીખે છે.

બાલરમત દ્વારા એકાગ્રતા, ધીરજ, સહિષ્ણુતા, શિસ્ત, વ્યવસ્થા, નિયમપાલન, સહકાર અને ખેલદીલી જેવા ગુણોનો વિકસે

બાલનાટક દ્વારા વકતૃત્વશકિતનો વિકાસ થાય છે. તેમજ અભિનય કૌશલ્ય વિકસે છે.

માટીકામ દ્વારા આંખ અને હાથના આંગળાઓનું સામંજસ્ય કેળવાય છે. જે વસ્તુનું સર્જ કયું હોય તે વસ્તુ વિશે વિશેષ જ્ઞાન મેળવે છે.

છાપકામ દ્વારા સર્જનશકિત અને હસ્તકૌશલ્યનો વિકાસ થાય છે. તેમજ રંગોથી પરિચિત થાય છે.

ચિત્રકામ દ્વારા આંગળાના સ્નાયુઓ કેળવાય છે અને સૌંદર્ય દ્રષ્ટિ વિકસે છે. લેખનકાર્ય સુંદર બને છે.

રંગપૂરણીથી સ્વચ્છતા અને ચોકસાઇના ગુણો વિકસે છે. મિશ્ર રંગો બનાવતા શીખે છે.

ગડીકામથી નકામી વસ્તુઓનો ઉપયોગ કરતા શીખે છે.રચનાત્મક કલ્પનાઓનો વિકાસ થાય છે.

આ રીતે દરેક પ્રવૃત્તિ માંથી બાળકનો સર્વાંગી વિકાસ થાય.

https://m.facebook.com/story.php?story_fbid=1199225273539497&id=1069775446484481

https://m.facebook.com/story.php?story_fbid=1199205973541427&id=1069775446484481

https://m.facebook.com/story.php?story_fbid=1199195923542432&id=1069775446484481

https://m.facebook.com/story.php?story_fbid=1199182023543822&id=1069775446484481

https://m.facebook.com/story.php?story_fbid=1199175260211165&id=1069775446484481

બાળમેળા માટે ડાઉનલોડ કરી શકાય તેવું સાહિત્ય :

બાળમેળાના હેતુઓ અને પ્રવૃતિઓ

બાળમેળાનું નિર્ણાયક પત્રક

બાળમેળાનો મોડ્યુલ

બાળમેળાનો પ્રોજેક્ટ

બાળમેળા નું આયોજન અને વ્યવસ્થા

બાળમેળા માટે ખરીદવાની સામગ્રી

બાળમેળા ખર્ચની માહિતી

બાળમેળાનું નિર્ણાયક પત્રક

બાળમેળાનું ચેકલીસ્ટ

બાળમેળાની પ્રવૃતિનો સી.આર.સી.મા મોકલવાનો અહેવાલ

શાળા પ્રવેશોત્સવ-૨૦૧૭

...માટીનો પીંડો લઇ કોડિયું કંડારીશું...

અભ્યાસરૂપી વાટ મૂકી તેને પ્રગટાવીશું...

તેની જીવનજયાતને કાયમ દિપાવીશું...

સૂરજ તો ના સહી પરંતુ દિપક બનાવીશું...

.
  સાર્વત્રિક પ્રાથમિક શિક્ષણના ધ્યેયને હાંસલ કરવા એકપણ બાળક શિક્ષણથી વંચિત ન રહે અને સો ટકા નામાંકન થાય તે માટે તા. ૮ જૂન ને ગુરૂવાર ના રોજ ૧પમાં કન્યા કેળવણી-શાળા પ્રવેશોત્સવના ત્રિદિવસીય અભિયાનનો  પ્રારંભ  પંચમહાલ જિલ્લાના અંતરિયાળ લઘુમતી ગામ બોરૂમાં ધોરણ-૧માં પ્રવેશપાત્ર ૧૮  કુમાર અને ૧૪ કન્યા મળી ૩૨ ભૂલકાંઓનો શાળા પ્રવેશ કરાવ્યો.    

 કોઇપણ સમાજ શિક્ષિત હશે તો સમાજ અને રાજ્યને વિકાસની નવી દિશા મળશે. શિક્ષણનું સ્‍તર ઉંચુ આવે તે માટે રાજ્ય સરકારે શાળામાં લાઇટ, પાણી, શૌચાલય, શાળાના ઓરડા જેવી માળખાકીય સુવિધાઓ ઉપલબ્‍ધ કરાવેલી છે. રાજ્યનું કોઇ બાળક શિક્ષણથી વંચિત ન રહે અને શાળામાં સો ટકા નામાંકન થાય તે માટે રાજ્ય સરકાર પ્રયત્‍નશીલ છે. તેમ શ્રી નારણભાઇ પટેલ એ બોરૂ ખાતે યોજાયેલા શાળા પ્રવેશોત્‍સવ અને કન્‍યા કેળવણી મહોત્‍સવ કાર્યક્રમમાં જણાવ્‍યું હતું.

  મુખ્ય શિક્ષકશ્રીએ વધુમાં જણાવ્‍યું હતું કે, શિક્ષક એ શિલ્‍પકાર છે. બાળકના સારા ભવિષ્‍યના ઘડતર માટે શિક્ષકની ભૂમિકા ખુબ જ અગત્‍યની રહેલી છે. શિક્ષણમાં વિદ્યાદાન આપે તે મોટામાં મોટું દાન ગણાય છે. જે બાળક શિક્ષણક્ષેત્રે નબળુ હોય તેવા બાળક પ્રત્‍યે વિશેષ કાળજી રાખી શિક્ષકોને શિક્ષણ આપવા પણ અનુરોધ કર્યો હતો. તેમણે બાળક અધ્‍ધ વચ્‍ચેથી બાળક શાળા છોડી જાય નહી તે માટે દરેક વાલીઓએ અને ગામના અગ્રણીઓએ પણ ખાસ કાળજી લેવા વધુમાં ઉમેર્યું હતું.

 મહાનુભાવોના હસ્‍તે ધોરણ-૧માં પ્રવેશ મેળવનાર વિદ્યાર્થીઓને પુસ્‍તકોનો સેટ અને દફતર તેમજ આંગણવાડીમાં પ્રવેશપાત્ર બાળકોને રમકડાની કીટ આપી પ્રવેશ અપાયો હતો. ઉપસ્‍થિત મહાનુભાવોના હસ્‍તે દિપ પ્રાગટય તેમજ શાળા સંકુલમાં વૃક્ષારોપણ કરવામાં આવેલ હતું. ગત વર્ષમાં ધોરણ-૩ થી ૮માં પ્રથમ સ્‍થાને આવેલ વિદ્યાર્થીઓને મહાનુભાવોના હસ્‍તે પુસ્‍તક આપી સન્‍માનિત કરવામાં આવેલ હતાં. ઉપરાંત દાતાશ્રીઓને તથા ભૂતપૂર્વ વયોવૃધ્ધ વિદ્યાર્થીઓને પણ સન્‍માનિત કર્યા હતાં. શાળાના બાળકોએ સ્‍વાગત ગીત તેમજ યોગ નિદર્શનો રજૂ કર્યા હતાં. પાણી બચાવો, સ્વચ્છતા રાખો, વૃક્ષ બચાવો, બેટી બચાવો બેટી પઢાવો તથા જળ એ જ જીવન અંગે શાળાના વિદ્યાર્થીઓએ વક્તવ્‍યો રજૂ કર્યા હતાં.

આ પ્રસંગે ગામના સરપંચશ્રી સહિત ગ્રામજનો બહોળી સંખ્‍યામાં ઉપસ્‍થિત રહ્યા હતાં.

પપ્પા ! હેપી બર્થડે

ઍ ભાઈઍ પોતાની સાત વર્ષની નાનકડી દીકરીને તે દિવસે ખૂબ મારી. છોકરીનો વાંક ઍટલો જ હતો કે પપ્પાઍ વેંચવા માટે લાવેલા સોનેરી કાગળમાંથી ઍક મોટો ટુકડો ફાડીને તે કંઈક બનાવી રહી હતી. દેવું, મંદી અને આર્થિક સંકડામણથી થોડા ૠસ્ત હતા. તેથી છોકરી કંઈ કહે તો પણ સાંભળવાની ધીરજ પપ્પા રાખી શક્યા નહોતા.

દીખરી રડતી રડતી સૂઈ ગઈ. બીજા દિવસની સવાર પડી અને આગલા દિવસનો માર ભૂલીને પેલી પરી હાથમાં સોનેરી ગિફ્ટ બોક્સ લઈને હસતી હસતી ઊભેલી તેની આંખો થોડી સૂજેલી હતી.

પપ્પા ! હેપી બર્થડે આજે તમારો જન્મદિવસ છે ! ‘ કહીને તેણે તે બોક્સ પપ્પાને આપ્યું. ગળગળા થઈ ગયેલા પપ્પાઍ બોક્સ સ્વાકાર્યું અને ખોલીને જોયુંતો સાવ ખાલી ! ‘કેમ ?’ પપ્પાઍ પૂછ્યું : ત્યારે થોડા ઉદાસ ચહેરે પેલી બોલી “ગઈકાલે તમે ખૂબ વઢ્યા તેથી કાંઈ ભરવાની હિંમત ન કરી શકી. પણ…પણ… છતાં ઍ ભરેલું છે.

બરાબર જુઑ પપ્પા ! આખું બોક્સ છલોછલ છે. ખૂબ પ્રેમથી ચુમીઑ ભરીને આ બોક્સ આપ્યું છે. અંદર મારો ચિક્કાર પ્રેમ ભર્યો છે. ક્યારેય ખાલી ન થાય ઍટલો બધો !”

હવે રડવાનો વારો પપ્પાનો હતો. આગલા દિવસની સમગ્ર ઘટના આંખ સામે ખડી થઈ ગઈ. પોતાની ઉતાવળ અને ઉગ્રતા બદલ પારાવાર દુઃખ થયું અંતર ભરાઈ ગયું. ‘આઈ ઍમ વેરી સોરી’ કહીને દીકરીને ગળે લઈ લીધી. ટ્રેજેડી તો ઍ થઈ કે થોડાક મહિનાઑ બાદ ઍક વાહન અકસ્માતમાં પેલી દીકરીનું આકસ્મિક મૃત્યુ થઈ ગયું. પપ્પા પાસે બે ચીજ રહી ગઈ. જીંદગી ભરનો પસ્તાવો અને બોક્સભર પ્રેમ ! પછી સૂતી વખતે પપ્પા કાયમ આ બોક્સને પોતાના ઑશિકા પાસે રાખતાં.

આ ઉદાહરણ બે વાર ધ્યાનથી વાંચીને પછી તાકાત હોય તો સંતાનો ઉપર હાથ ઉઠાવીને જો જો !

‘શાક સુધારવું અને સંતાન સુધારવું ઍ બેમાં ઘણો તફાવત છે સાહેબ…..

સુખની શોધ

એક ભાઈ બગીચાના બાંકડે બેઠા હતા. પાસે એક બેગ હતી. મુલ્લા નસીરુદ્દીન
બગીચામાં ટહેલતાં ટહેલતાં એમની પાસે આવ્યા અને બોલ્યા, ‘બહારના માણસ લાગો
છો. તમને ક્યારેય જોયા નથી.
ભાઈ બોલ્યા, ‘હા, હું દૂરના શહેરમાં રહું છું. મારી પાસે બધું છે. પૈસો
છે, બંગલો છે, પ્રેમાળ પરિવાર છે, છતાં જીવનમાં મને રસ નથી પડી રહ્યો.
એટલે થોડા દિવસની રજા પાડીને ‘મજા પડે એવું કંઈક’ શોધવા નીકળ્યો છું. હું
સુખ શોધી રહ્યો છું.’..

મુલ્લા કંઈ બોલવાને બદલે એ ભાઈની બેગ આંચકીને ભાગ્યા. પેલો માણસ પણ પાછળ
દોડ્યો. મુલ્લા દોડમાં પાક્કા. એટલે ખાસ્સા આગળ નીકળી ગયા. પેલો માણસ
હાંફતો હાંફતો એમની પાછળ દોડતો રહ્યો. બે કિલોમીટર દોડ્યા બાદ મુલ્લા
રસ્તાને કિનારે એક બાંકડા પર બેસી ગયા...

થોડી વાર પછી પેલો માણસ
હાંફતો-હાંફતો પહોંચ્યો. એણે તરાપ મારીને પોતાની બેગ લઈ લીધી. બેગ મળી
ગયાનો આનંદ એના ચહેરા પર પ્રગટ્યો એની બીજી જ પળે એણે ગુસ્સાથી મુલ્લાને
કહ્યું, ‘મારી બેગ લઈને કેમ ભાગ્યા?’
મુલ્લા, ‘કેમ વળી? તમે સુખ શોધવા નીકળ્યા છો. તો બોલો, બેગ પાછી મળી જતાં
તમને સુખની લાગણી થઈ કે નહીં? મેં તો તમને સુખ શોધવામાં મદદ કરી.’...

આપણામાંના મોટા ભાગના લોકો પણ થોડા અંશે પેલા માણસ જેવા હોઈએ છીએ. જે કંઈ આપણી પાસે છે એમાંથી ઝાઝું સુખ નથી મળતું. પણ પછી એ ખોવાઈ ગયા બાદ પાછું
મળે ત્યારે સારું લાગે...

આવું શા માટે?

એટલે હવે પછી જ્યારે મૂડ સારો ન હોય ત્યારે ઘરમાંની બધી વસ્તુઓને શાંતિથી
નીરખવી અને પછી વિચારવું કે આ વસ્તુ જો મારી પાસે ન હોય તો કેટલી તકલીફ
પડે?

કડકડતી ઠંડીમાં એક અત્યંત ગરીબ માતા પોતાનાં બાળકોના શરીર પર છાપાં પાથરી
એના પર ઘાસ ‘ઓઢાડી’ને સૂવડાવી રહી હતી ત્યારે એના ટેણિયા દીકરાએ ભાઈને
પૂછ્યું, ‘હેં ભાઈ? જે લોકો પાસે છાપાં અને ઘાસ નહીં હોય એમની કેવી ખરાબ
હાલત થતી હશે?’

આપણી પાસે ઘાસ અને છાપાંથી તો ઘણી સારી વસ્તુઓ ઘરમાં હોય છે. એટલે હવે
ક્યારેક ‘હું સુખી નથી... મારી પાસે આ નથી... મારી પાસે તે નથી...’ એવું
લાગે ત્યારે એક નજર જે કંઈ આપણી પાસે છે તેના પર નાખી જોવી.....

જેમ કે, આવો સરસ મજાનો લેખ તમે ઓનલાઇન વાંચી શકો છો તેના પરથી બે મહત્વની
બાબત સાબિત થાય છે- (૧) તમે ગરીબ નથી. કોન્ગ્રેટ્સ.
(૨) તમે શાંતિથી બેસીને વાંચી શકો છો મતલબ કે તમે અત્યંત માંદા નથી.
ઔર જીને કો ક્યા ચાહિયે? જેના વિના એક મિનિટ પણ ન જીવી શકાય એવો ઓક્સિજન
હવામાં હાજર છે.

આટલો મસ્ત લેખ તમે અત્યારે વાંચી
રહ્યા છો. તો પછી છોડો ફરિયાદો અને આભાર માનો ઈશ્વરનો, નસીબનો,પુરુષાર્થનો કે જીવન મસ્ત છે....

રેન્સમવેર વાયરસ 'વન્નાક્રાઈ' (WannaCry)

દેશની સાઈબર સુરક્ષા એજન્સી CERT-IN એ રેન્સમવેર વાયરસ અથવા માલવેર 'વન્નાક્રાઈ'નો સામનો કરવા માટે ઈન્ટરનેટ યૂઝર્સને એલર્ટ કરી દીધા છે. આ વાયરસથી કમ્પ્યુટર કામ કરતું બંધ થઈ શકે છે અને દૂર બેસીને પણ એને લોક કરી શકાય છે. 

       દુનિયાભરમાં 99 જેટલા દેશોમાં અનેક કમ્પ્યુટર સિસ્ટમને ઈન્ફેક્ટ કરી દેનાર એક નવા રેન્સમવેર વાયરસ 'વન્નાક્રાઈ' (WannaCry) તરફથી કોઈ સંભવિત મોટા સાઈબર એટેકને ખાળવા માટે તેણે સુસજ્જતા પ્રાપ્ત કરી લીધી છે અને રીસ્પોન્સ મિકેનિઝમને એક્ટિવેટ કરી દીધી છે.
કેન્દ્રના ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયે કહ્યું છે કે કથિત રેન્સમવેર સંબંધિત તમામ માહિતીઓ એકત્ર કરવા માટે તેણે CERT-IN (કમ્પ્યુટર ઈમરજન્સી રીસ્પોન્સ ટીમ)ને સૂચના આપીને પોતાની સુસજ્જતા તથા રીસ્પોન્સ યંત્રણાને સક્રિય કરી દીધી છે.

સીઈઆરટી-ઈન એજન્સીએ ઈન્ટરનેટ યૂઝર્સને સતર્ક કરતા જણાવ્યું છે કે, એવો કોઈ પણ ઈમેલ ઓપન કરવો નહીં જેની સાથે *"tasksche.exe"* ફાઈલ સાથેનું એટેચમેન્ટ હોય. કોઈ પણ અનધિકૃત ડેટા રેકોર્ડના એનક્રિપ્ટેડ મટિરીયલ્સ માટે ડેટાબેઝની બેકઅપ ફાઈલોની સામગ્રીની નિયમિત રીતે તપાસ કરતા રહેવું, અજાણ્યા, અવિશ્વસનીય ઈમેલમાં એટેચમેન્ટ ખોલવા નહીં, તેમજ અવિશ્વસનીય યૂઆરએલ પર ક્લિક ન કરવું. સાથોસાથ, દગાબાજી કરતી ઘટનાઓનો રિપોર્ટ સીઈઆરટી-ઈનને કરવો. દુનિયામાં ડઝન જેટલા દેશોમાં શનિવારે મોટો સાઈબર હુમલો થયો હતો જેમાં હોસ્પિટલો, ટેલીકમ્યુનિકેશન કંપનીઓ તથા અન્ય કંપનીઓના કમ્પ્યુટર ડેટા હેક કરવામાં આવ્યા હતા.
સાઈબર રેન્સમવેર વાયરસ ફેલાવનાર સોફ્ટવેર છે, જે તમારી કમ્પ્યુટર સિસ્ટમ સુધી પહોંચીને એને ત્યાં સુધી બ્લોક કરી રાખે છે જ્યાં સુધી સાઈબર અપરાધીને ઓનલાઈન માધ્યમ દ્વારા શિકાર મળી ન જાય. શિકાર મળી ગયા બાદ સાઈબર અપરાધી યૂઝરને જણાવે છે કે તેના કમ્પ્યુટરમાં શું ગડબડ થઈ છે અને કમ્પ્યુટરને અનલોક કરવા માટે તે 300 અમેરિકી ડોલરની રકમ ચૂકવવાની માગણી કરે છે. એને બિટકોઈન કરન્સીમાં ઓનલાઈન રકમ મળી ન જાય ત્યાં સુધી કમ્પ્યુટર સિસ્ટમ ફરી ચાલુ થતી નથી.
સીઈઆરટી-ઈનનું કહેવું છે કે, એવા સમાચાર મળ્યા છે કે વાનાક્રાઈ નામનો એક નવો રેન્સમવેર વ્યાપક સ્તરે ફેલાઈ રહ્યો છે. વન્નાક્રાઈ અસરગ્રસ્ત વિન્ડો સિસ્ટમ પર ફાઈલ્સને એનક્રિપ્ટ કરે છે, રેન્સમવેર વિન્ડો સિસ્ટમમાં સર્વર મેસેજ બ્લોક (એસએમબી)ના ઉપયોગમાં સુરક્ષાનું ધ્યાન ન રાખવાથી ફેલાય છે.
વન્નાક્રાઈ કે વન્નાક્રિપ્ટ નામનું રેન્સમવેર કમ્પ્યુટરની હાર્ડ ડિસ્ક ડ્રાઈવને એનક્રિપ્ટ કરે છે અને ત્યારબાદ એના લોકલ એરિયા નેટવર્ક પર કમ્પ્યુટર્સની વચ્ચે ફેલાય છે. રેન્સમવેર ઈમેલમાં વાયરસ ફેલાવનાર અટેચમેન્ટ દ્વારા પણ ફેલાઈ શકે છે.
રેન્સમવેર વાયરસ એટલો ખતરનાક અને સ્માર્ટ છે કે એ 'પ્લીઝ રીડ મી' નામની એક ફાઈલ છોડે છે.
આજે દુનિયામાં ઘણા દેશોમાં કમ્પ્યુટર્સને સુરક્ષિત બનાવવા તેમજ ઈન્ફેક્ટેડ કમ્પ્યુટર્સમાંથી વાયરસ દૂર કરવામાં ટેકનિકલ સ્ટાફ વ્યસ્ત રહ્યો હતો. ટેકનિકલ નિષ્ણાતોને એવો ભય છે કે શુક્ર અને શનિવારે અનેક કાર ઉત્પાદક કંપનીઓ, હોસ્પિટલો, શોરૂમ્સ તથા શાળાઓમાં કમ્પ્યુટર્સનું કામકાજ ખોરવી નાખનાર રેન્સમવેર વાયરસ વાનાક્રાઈ સોમવારે કર્મચારીઓ ફરી લોગ-ઓન કરશે ત્યારે હાહાકાર મચાવશે.
માઈક્રોસોફ્ટના એક્સપી (XP) જેવી જૂની ઓપરેટિંગ સિસ્ટમ પર ચાલતા કમ્પ્યુટર પર આ માલવેર સૌથી વધારે અસર કરે છે અને તેની અસરમાં આવતાં જ કમ્પ્યુટરની બધી ફાઈલ્સ લોક થવા માંડે છે.
ગયા શુક્રવાર અને શનિવારે આ રેન્સમવેર મારફત રશિયા અને બ્રિટન સહિત 100 દેશોમાં કમ્પ્યુટર સિસ્ટમ પર સાઈબર હુમલો કરવામાં આવ્યો હતો.
અત્યાર સુધીના ઈતિહાસમાં આ સૌથી વ્યાપક સ્તરે ફેલાતો રેન્સમવેર છે.