પિતા ના આશીર્વાદ

Believe it or Not

ખંભાતના વાણિયાની આ વાત છે.

એ મરવા પડ્યો ત્યારે પોતાના એકના એક દીકરા ધર્મપાળને બોલાવી તેણે કહ્યું: ‘બેટા, મારી પાસે કંઈ ધનમાલ નથી. મિલકતમાં હું  તને મારા આશીર્વાદ દેતો જાઉં છું કે તારા હાથમાં ધૂળનું સોનું થઈ જજો ! ’

દીકરાએ માથું નમાવી બાપના આશીર્વાદ ઝીલ્યા.બાપે સંતોષથી પ્રાણ છોડ્યા.

     હવે ઘરનો ભાર ધનપાળના માથે આવ્યો. તેણે એક નાનકડી હાટડી શરૂ કરી. ધીરે ધીરે તેની કમાણી વધતી ચાલી. તેણે ધંધાનો વિસ્તાર કરવા માંડ્યો. ધંધાના વિસ્તાર સાથે કમાણી પણ વિસ્તરી. ગામના શ્રીમંતોમાં એની ગણતરી થવા લાગી.

     એને ખાતરી હતી કે મારા પિતાના આશીર્વાદનું જ આ ફળ છે. પિતાએ આખી જિંદગી દુ:ખ વેઠ્યું, પણ ધીરજ ન ખોઈ, શ્રદ્ધા ન ખોઈ, પ્રમાણિકતા ન ખોઈ, તેથી એમની વાણીમાં બળ આવ્યું, તેમના આશીર્વાદ ફળ્યા, અને હું સુખી થયો.

     તેના મોઢે આવી વાત સાંભળી એક જણે કહ્યું: ‘તમારા પિતામાં આવી તાકાત હતી, તો એ પોતે કેમ કશું કમાયા નહિ ?’

  ધર્મપાળે કહ્યું:  ‘હું પિતાની તાકાતની વાત નથી કરતો, પિતાના આશીર્વાદની તાકાતની વાત કરું છું.’

    આમ જ્યારે ત્યારે એ બાપના આશીર્વાદના ગુણ ગાતો, તેથી લોકો મશ્કરીમાં તેને ‘બાપનો આશીર્વાદ’ કહી બોલાવતા. ધનપાળને એથી ખોટું લાગતું નહિ, એ કહેતો કે બાપના આશીર્વાદને લાયક નીવડું એટલે બસ.

     આમ વર્ષો વીત્યાં. ધનપાળનો વેપાર ખૂબ વધ્યો. એનાં વહાણો દેશદેશાવર ફરતાં અને માલની લેવેચ કરતાં. એની કમાણીનો પાર ન હતો.

     એકવાર એને થયું કે આમ વેપાર રોજગારમાં નફો જ નફો થયા કરે એ સારું નહિ, કોઈ વાર નુકસાનનો પણ અનુભવ કરવો જોઈએ. એણે એક મિત્રને કહ્યું: ‘દોસ્ત, કંઈ નુકસાનનો ધંધો બતાવ !’

 મિત્રને થયું કે આને ધનનો મદ ચડ્યો  છે; એ એવું સમજે છે કે થઈ થઈને મને શું નુકસાન થવાનું છે? કાનખજૂરાનો એક પગ ભાંગ્યો તોય શું? તો હવે એને એવો ધંધો દેખાડું કે ઊંધે માથે ખાડામાં પડે.

     તેણે કહ્યું: ‘તો એમ કર ! વહાણમાં લવિંગ ભરી ઝાંઝીબાર વેચવા જા ! અવશ્ય એ ધંધામાં તને ખોટ જશે.’

    ધર્મપાળને આ વાત બરાબર લાગી. ઝાંઝીબાર તો લવિંગનો દેશ, ત્યાંથી લવિંગ ભારતમાં આવે ને દશબાર ગણા ભાવે વેચાય. એ લવિંગ ભારતમાંથી ખરીદી ઝાંઝીબાર વેચવા જવું એટલે સીધી જ પાયમાલી.

    ધર્મપાળે નક્કી કર્યું કે નુકસાનનો આ અનુભવ પણ લેવો. એટલે ભારતમાંથી મોંઘા ભાવે લવિંગ ખરીદી વહાણ લઈ તે ઝાંઝીબાર ગયો.

ઝાંઝીબારમાં સુલતાનનું રાજ્ય હતું. ધર્મપાળ વહાણમાંથી ઊતરી રેતીના લાંબા પટમાં થઈને બીજા વેપારીઓને મળવા જતો હતો. ત્યાં સામેથી આવતા સુલતાન એને મળ્યા. ખંભાત બંદરથી આવેલા વેપારીને જોઈ સુલતાને તેમનો આદર કર્યો.

  ધર્મપાળે જોયું તો સુલતાનની સાથે સેંકડોની સંખ્યામાં સિપાઈઓ હતા. એ સિપાઈઓના હાથમાં ભાલા, તલવાર કે બંદૂક નહિ, ચાળણીઓ હતી ! એ જોઈ ધર્મપાળને નવાઈ લાગી. તેણે સુલતાનને વિનયપૂર્વક આનું કારણ પૂછ્યું.

    સુલતાને હસીને કહ્યું: ‘વાત એમ છે કે આજે સવારે હું આ સમુદ્ર તટ પર ફરવા આવેલો. ફરતાં ફરતાં મારી આંગળીએથી એક વીંટી ક્યાંક નીકળી પડી. રેતીમાં વીંટી ક્યાં ગરી ગઈ એની ખબર પડી નહિ. રેતી ચાળી એ વીંટી શોધવા હું આ સિપાઈઓને અહીં લઈ આવ્યો છું.’

ધર્મપાળે કહ્યું: ‘વીંટી બહુ કીમતી હશે.’

સુલતાને કહ્યું: ‘ના, એનાથી ઘણી વધારે કીમતી વીંટીઓ મારી પાસે છે. પણ આતો એક ફકીરના આશીર્વાદની વીંટી છે. હું માનું છું કે મારી સલ્તનતનો પાયો એ આશીર્વાદ છે. એટલે મારે મન એ વીંટીનું મૂલ્ય સલ્તનત કરતાંયે વધારે છે.’

    આટલું કહી સુલતાને કહ્યું:  ‘ બોલો, શેઠ, આ વખતે શું માલ લઈને આવ્યા છો ?’

    ધર્મપાલે કહ્યું: ‘લવિંગ.’

    ‘લવિંગ ?’ સુલતાનની નવાઈનો પાર ન રહ્યો. ‘આ લવિંગના દેશમાં તમે લવિંગ વેચવા આવ્યા છો? કોણે તમને આવી મતિ આપી ? નક્કી એ કોઈ તમારો દુશ્મન હશે. અહીં તો એક પૈસામાં મૂઠો ભરીને લવિંગ મળે છે. અહીં તમારા લવિંગનું શું ઉપજશે?’

    ધર્મપાળે કહ્યું: ‘મારે એ જ જોવું છે. લાખોની ખોટ ખાવા માટે જ હું અહીં આવ્યો છું. આજ લગી જે ધંધો મેં કર્યો તેમાં મને હંમેશાં નફો જ થયો છે; મારા બાપના આશીર્વાદનું એ ફળ છે. એ આશીર્વાદ આજે અહીં કેવી રીતે કામ કરે છે તે મારે જોવું છે.’

  સુલતાને કહ્યું: ‘બાપના આશીર્વાદ ? એ વળી શું?’

    ધર્મપાળે કહ્યું:  ‘મારા બાપ ગરીબ હતા. આખી જિંદગી તેમણે પ્રમાણિક્પણે કામ કર્યું હતું. પણ કદી બે પાંદડે થયા નહોતા. મરતી વખતે તેમણે ભગવાનનું નામ લઈ મારા માથા પર હાથ મૂકી મને આશીર્વાદ આપ્યા હતા કે તારા હાથમાં ધૂળનું સોનું થઈ જશે ! ’

    બોલતાં બોલતાં જુસ્સામાં આવી તેણે નીચા નમી મૂઠો ભરી સમુદ્રતટની રેતી લીધી ને ચાળણીની પેઠે આંગળાંમાંથી રેતી નીચે ઝરવા દીધી, તો–

    એની નવાઈનો પાર ન રહ્યો.

એના હાથમાં હીરાજડિત સોનાની વીંટી હતી !

    એ જ પેલી સુલતાનની ખોવાયેલી વીંટી !

 વીંટી જોઈ સુલતાન ખુશ ખુશ થઈ ગયો. તે બોલી ઊઠ્યો: ‘વાહ ખુદા, તારી કરામતનો પાર નથી ! તું બાપના આશીર્વાદને સાચા પાડે છે !’

ધર્મપાળે કહ્યું: 'ફકીર ના આશીર્વાદને પણ એ જ સાચા પાડે છે !’

સુલતાન હેતથી ધર્મપાળને ભેટી પડ્યો. કહે: ‘માગ, માગ, માગે તે આપું.’

    ધર્મપાળે કહ્યું: ‘આપ સો વર્ષના થાઓ અને રૈયતનું રૂડી રીતે પાલન કરો—એ સિવાય મારે બીજું કંઈ ન જોઈએ.’

સુલતાન અધિક ખુશ થયો. તેણે કહ્યું: તમારો બધો માલ હું મુદ્દલ કરતાં બમણી કિંમતે રાખી લઉં છું.’

*બોધ : જો નીતિ સાચી અને પિતા ના આશીર્વાદ હોય તો દુનિયા માં કોઈ ની તાકાત નથી તમને ક્યાંય પાછળ પાડે...*

 બાપ ની સેવાનું ફળ અચૂક મલેજ છે આશીર્વાદ જેવી મોટી ધન સંપત્તિ નથી  

*✍🏻 બાળકના મન ને* *જાણનારી "માઁ"*

*અને ભવિષ્ય જાણનારો "પિતા"*

*આ જ બે દુનિયાના "મહાન જ્યોતિષ" છે*

*બસ એમનો "આદર" કરશો તો*

*"ભગવાન" પાસે તમારે કાંઇ માંગવુ ના પડે*

ભારત દેશના ૭૩માં સ્વાતંત્ર્ય દિવસ ની પરંપરા મુજબ ઉજવણી

ભારત દેશના ૭૩માં સ્વાતંત્ર્ય દિવસ ની પરંપરા મુજબ ઉજવણી આજરોજ બોરુ પ્રાથમિક શાળા ખાતે ધોરણ 7ના પ્રથમ નંબર મેળવેલ વિદ્યાર્થી પરમાર વિરલકુમાર જશવંતભાઈ ના વરદ હસ્તે આજના પ્રસંગે પધારેલા આમંત્રિત મહેમાનોની હાજરીમાં ધ્વજ લહેરાવી ધ્વજવંદન કરી ઉજવવામાં આવેલ. આ પ્રસંગે ઉપસ્થિત ગ્રામ પંચાયતના સરપંચશ્રી શકીલભાઇ, ડેપ્યુટી સરપંચ છત્રસિંહ એસ.એમ.સી સભ્યો, ગામના યુવાનો અને વાલીગણ  શાળાના આચાર્યશ્રી ગૌરાંગ જોશી એ પ્રસંગને અનુરૂપ બે વાતો કહી "સાચી સ્વતંત્રતા પોતાના લોકોનું રક્ષણ કરવામાં છે. વૃક્ષ પણ આપણા પોતાના છે.તેમની સ્વતંત્રતાની રક્ષા કરવી આપણું કર્તવ્ય છે."
આવો, આ સ્વતંત્રતા દિવસ અને રક્ષા બંધન પર એક વૃક્ષ વાવવાનો નિયમ લઈ પોતાનું યોગદાન દેશ પર્યાવરણ જાળવણી માટે નોંધાવવા આહ્વાન કર્યું હતું. સરપંચ શ્રી શકીલભાઇ એ પોતાના ઉદબોધનમાં ગ્રામજનોને શાળા આસપાસ અને ગામમાં સ્વચ્છતા જાળવવા અપીલ કરી હતી.
vatsalyanews.com
કાલોલ તાલુકા ની બોરુ પ્રા.શાળામા ઘોરણ 7 ના આદર્શ વિધાર્થી હાથે ધ્વજવંદન કાર્યક્રમ યોજાયો
https://vatsalyanews.com/Vatsalya/Article/panchmahal/kalol/flagging-program-was-organized-by-the-ideal-student-of-ghor-7-in-boru-prasad-of-kalol-taluka/20198181134

Download Vatsalya News for more
https://play.google.com/store/apps/details?id=com.vatsalyanews
https://m.facebook.com/story.php?story_fbid=2164289263699755&id=1069775446484481

બોરુ પ્રાથમિક શાળાના વિદ્યાર્થીઓએ શાળાના પટાંગણમાં રક્ષાબંધનના પાવન પર્વની હર્ષભેર ઉજવણી

બોરુ પ્રાથમિક શાળાના વિદ્યાર્થીઓએ શાળાના પટાંગણમાં રક્ષાબંધનના પાવન પર્વની હર્ષભેર ઉજવણી કરવામાં આવી

   રક્ષાબંધનની પૂર્વ સંધ્યાએ વિદ્યાર્થીઓ માટે રાખડી મેકીગ અને રક્ષાબંધન ગ્રીટીંગ કાર્ડ મેકિંગ સ્પર્ધા  સહિતના કાર્યક્રમોનું આયોજન કરવામાં આવ્યું હતું.જે માં વિદ્યાર્થીએ ઉત્સાહભેર કલાત્મક રાખડી બનાવી. હતી.  બહેનો એ જમ્મુ કાશ્મીર લદાખ-લેહ સીમા સરહદે તૈનાત માતૃભૂમિના વીર સૈનિકો ને દેશ ભક્તિ અને ભાઈચારાનો શુભ સંદેશ વ્યક્ત કરી રક્ષાની અભ્યર્થના સાથે બનાવેલી કલાત્મક રાખડી મોકલી હતી.આચાર્યશ્રી ગૌરાંગ જોશી દ્વારા પ્રાસંગિક પ્રવચન આપવામાં આવ્યું. ત્યારબાદ  શાળાના શિક્ષિકા બેન શ્રીમતી રંજનબેન દ્વારા બલી રાજા તેમજ રક્ષાબંધન સાથે જોડાયેલ લોકકથા વિદ્યાર્થીઓને જણાવવામાં આવી.

૧૫મી ઓગષ્ટ ના રોજ શાળાના તમામ બહેનો એ ભાઈઓએ રક્ષાબંધન પર્વની ઉજવણી કરી હતી.આ પાવન દિવસની ઉજવણીનાં ભાગરૂપે શાળાની બાળાઓ એ પોતા સહાધ્યાયી અને

જેમની સાથે આખું વર્ષ એકજૂથ થઈ દરેક કાર્ય સફળતા

પૂર્વક પરિપૂર્ણ કરનાર એવા તેના સાથી ભાઈઓને કુમકુમ તિલક કરી,શ્લોક નું ગાન કરી, રાખડી બાંધી,મોઢું મીઠું કરાવી હંમેશા એક બીજા સાથે હળીમળીને રહેવાના. વચન આપ્યા હતા.ત્યારબાદ

શાળા સ્ટાફ બહેનશ્રી રંજનબેન, પુષ્પાબેન,કામીનીબેન , કલ્પનાબેન, પુષ્પાબેન, કાજલબેન,હીનલબેન દ્વારા મુખ્ય શિક્ષક શ્રી ગૌરાંગ જોશી અને સંજયભાઈ ને  કુમકુમ તિલક કરી, રક્ષા બાંધી,મોં મીઠું કરાવી તેઓની રક્ષા માટે મંત્ર ગાન કર્યું હતું..જે પ્રસંગે સ્કૂલ ના શિક્ષકો દ્વારા સમગ્ર બાળકો ને ચોકલેટ નું વિતરણ કરવામાં આવ્યું હતું.

આ પર્વના ઉદ્દેશને ધ્યાને લઇ બાળકોએ 'એક બાળ એક ઝાડ' અભિયાન અંતર્ગત પોતે રોપેલ વૃક્ષ ને રાખડી બાંધીને બાળકમાં અનોખો આત્મવિશ્વાસ કેળવ્યો હતો કે અમારી જવાબદારી બને છે,વૃક્ષ વાવવાની તથા ઉછેરવાની આ નવા વિચારો સાથે બાળકો સંમત થયા હતા તથા ખાતરી આપી હતી કે ઝાડ ફૂલ તોડશું નહીં અને વાવશું.

 ગામના સરપંચશ્રી શકીલભાઇએ શાળાનાઆ અનોખા પ્રયત્નને બિરદાવી સરાહના વ્યક્ત કરી હતી. 

બોરૂ પ્રાથમિક શાળા બાળ સંસદ ચૂંટણીની આખરી મતદાર યાદી પ્રસિદ્ધ થતાં ૨૪૩ મતદારો માન્ય રહ્યાં

બોરૂ પ્રાથમિક શાળા બાળ સંસદ ચૂંટણીની આખરી મતદાર યાદી પ્રસિદ્ધ થતાં ૨૪૩ મતદારો માન્ય રહ્યાં

૧૩ જુલાઈ ૨૦૧૯ ૧૦:૧૫ AM
બોરૂ, તા.13 જુલાઈ 2017, શનિવાર

કાલોલ તાલુકા ની શાળા સ્વચ્છતા એવોર્ડ માં પ્રથમ સ્થાન ધરાવતી  બોરૂ પ્રાથમિક શાળા બાળ સંસદ ની ૯ બેઠકોની ચૂંટણી માટે ચૂંટણી કમિશનર દ્વારા પ્રસિધ્ધ કરાયેલા જાહેરનામા મુજબ તા.૧૮ જુલાઈ એ ચુંટણી યોજાનાર છે ત્યારે તે પૂર્વે પ્રાથમિક શાળા ના બે વિભાગની આખરી મતદાર યાદી પ્રસિધ્ધ કરાઈ છે. જેમાં કુલ મતદારો ૨૪૩ છે.
બાળ સંસદ ૨૦૧૮ના મહામંત્રી અને મંત્રીશ્રીઓની મુદત પૂર્ણ થવાની તૈયારીમાં છે. ત્યારે તે પૂર્વે ચૂંટણી કમિશનર/ અધિકારી બોરૂ પ્રાથમિક શાળા દ્વારા તાજેતરમાં ચૂંટણીનું જાહેરનામું પ્રસિધ્ધ કર્યું હતું. જેના ભાગરૂપે શનિવારે આખરી મતદાર યાદી પ્રસિદ્ધ કરાઈ છે. યાદીમાં સમાવેશ થયેલ બાળ મતદારો તેઓને ફાળવેલ શાળા ઓળખ પત્ર નો ઉપયોગ કરે મતદાન કરી શકશે.
જેમાં પ્રાથમિક વિભાગમાં ૧૫૮. ઉચ્ચ પ્રાથમિક વિભાગમા ૮૫ મતદારો છે. અને ચુંટણી અધિકારી તરીકે ઉચ્ચ પ્રાથમિક ના શ્રી સંજયભાઈ પ્રજાપતિને મુકાયા છે. જેથી ચુંટણીની તમામ પ્રક્રિયા તેમના માર્ગદર્શન નીચે યોજાશે.
બીજી તરફ તા.૧૮ જુલાઈ યોજાનાર બાળ સંસદની ચુંટણી માટે તા.૧૫ જુલાઈ ઉમેદવારીપત્રો ભરવાની જાહેરનામા માં જોગવાઈ કરાઈ છે. જેના લીધે બાળ સંસદ ની ચૂંટણી લડવા માંગતા ઉમેદવારોએ પોતપોતાની રીતે ચોકઠું ગોઠવવા નું શરૂ કરી દીધી છે. હવે જોવાનું એ રહે છે કે બાળ સંસદની નવ બેઠકોમાંથી કેટલી બેઠકો બિનહરીફ થાય છે અને કેટલી બેઠકો માટે ચૂંટણી યોજવી પડશે. તેનો તા.૧૬ જુલાઈ સુધીમાં ખબર પડી જશે.

Bal

INSPIRE AWARD MANAK

વર્ષ 2019-20 અંતર્ગત ઇન્સ્પાયર એવોર્ડ યોજના અંતર્ગત ઓનલાઇન નોમિનેશન શરૂ થઇ ગયેલ છે, જેના માર્ગદર્શન માટે જીવન શિક્ષણમાં આવેલ અંક વાંચવા માટે નીચેની લિંક પર ક્લિક કરો.

જીવન શિક્ષણ- ઇન્સ્પાયર એવોર્ડ